Joshua 4
1A minam bupun Jordan a galkah khit uh ciangin TOPA in Joshua kiangah, 2“Mipite lak panin beh khatah mi khat - mi sawm le nih tel inla, 3Jordan laizang, siampite dinna mun tektek panin suangtum sawm le nih lasak-in, pua unla tu zana na giahna phual uah koih un,” a ci hi. a 4 Joshua in Israel-te beh khat panin khatta a sehsa mi sawm le nihte samkhawma, amaute kiangah, 5“TOPA note Pasian singkuangpi omna mai Jordan laizangah va pai un. Israel behte a phazah tawh kizui-a na sepna lim uh ahi dingin na liangko un suangtum khat ciat va pua un. 6Mailam hunah na tate un, ‘Hih suangte bang cihna ahi hiam?’ ci-a hong dot uh ciangin 7amaute tungah TOPA’ thukhun singkuang mai-ah Jordan luanglai a kikhaktanna thu gen un. Tua in Jordan a kantan ciangin Jordan tuite kikhen hi. Hih suangte Israel mite adingin phawk tawntungna ahi hi,” a ci hi. b 8 Tua ciangin Israel-te in Joshua thupiaksa bangin a sem uh hi. Joshua tunga TOPA gensa bangin Israel beh phazah tawh kizui-in Jordan laizang panin suangtum sawm le nih a la uh hi; a giahphual dong uh pua uh a tua lai-ah a koih uh hi. 9Joshua in thukhun singkuang pua siampite a dinnasa mun tak Jordan laizangah ▼▼4.9 Ahikeh Joshua in zong suangtum sawm le nih a phut hi.
suangtum sawm le nih mah a phut hi. Tua hi-a, tuate tuni dongin tua lai-ah a om hi. d 10 Moses in Joshua a lahsa bang tektekin, Joshua in mite tungah a gen dingin TOPA in a thupiakte khempeuh mite in a mansiang matengun singkuangpi pua siampite Jordan laizangah dingden uh hi. Mite manlangtakin galkah uh a, 11amaute a galkah khit phet mipite in a et dimdiam laitakun TOPA singkuangpi le siampite a galkhat a tung uh hi. 12Moses hilhsa bangin Reuben mite Gad mite le Manasseh beh a langte galhiam tawisa-in galkah uh a, Israel-te mai-ah a masa uh hi. 13Gal do thei ding mi tul sawmli bang in TOPA mai-ah galsim dingin Jericho zanglei ah a kantan uh hi. 14 Tua ni-in TOPA in Israel khempeuh muhin Joshua tawisang a; amaute in Moses a zahtak bang tektekun a nuntak sungteng a zahtak uh hi. e 15 Tua ciangin TOPA in Joshua kiangah, 16“Teci panna singkuang pua siampite Jordan sung pan a paikhiat nadingun thu pia in,” a ci hi. f 17 Tua ciangin Joshua in siampite thu pia a, “Jordan panin paikhia un,” a ci hi. 18 Tuateh siampite, TOPA thukhun singkuang puasa-in gun sung pan a paikhia uh hi. A khe uh tawh leikeu a sik khit phetun Jordan guntui in a kuam luah kika, a omsa bangin a khang kik hi. g 19 Kha masa pen a ni sawmna ni-in mite Jordan panin paito uh a Jericho nitumna-lam gamgi-a Gilgal ah giahphual sat uh hi. 20Tuateh Joshua in, Jordan sung pana a puakkhiat uh suangtum sawm le nihte Gilgal ah a phut hi. 21Amah in Israel-te kiangah, “Mailam hunah na suante un a pate uh kiangah, ‘Hih suangte bang cihna ahi hiam?’ ci-a hong dot uh leh 22amaute tungah, ‘Israel in leikeu tungah Jordan kantan hi,’ ci-in gen un. 23Ahang in, TOPA note Pasian in na galkah khit dong uh note mai-ah Jordan a keusak hi. TOPA note Pasian in San Tuipi ▼▼4.23 Hebrew in Yam Suph; tua in Pumpeng Tuipi cihna
i galkah khit matengin eite mai-ah lei a keusak bang tektekin Jordan tungah zong a hih hi. 24Leitung mi khempeuh in TOPA khut a vangliatna a theih nading le note in TOPA note Pasian na kihtak theih nadingun hibanga a hih ahi hi,” a ci hi. i
Copyright information for
ZomZIV